LoRaWAN á Íslandi – IoT skynjarakerfi fyrir mælingar, vöktun og rekstur

Við setjum upp LoRaWAN lausnir á Íslandi fyrir rekstraraðila sem vilja safna gögnum frá vatnsmælum, orkumælum, lekaskynjurum, hitanemum, loftgæðanemum og öðrum IoT búnaði án umfangsmikilla raflagna eða WiFi-tengingar við hvern nema.

Mælaborð og samþætting

Gögn úr LoRaWAN kerfum má birta í mælaborðum, senda í viðvaranakerfi eða samþætta við hússtjórnarkerfi, SCADA, rekstrarkerfi og gagnagrunna. Við vinnum meðal annars með lausnir á borð við ChirpStack og ThingsBoard þar sem það hentar verkefninu.

Hvað er LoRaWAN?

LoRaWAN er þráðlaus samskiptatækni fyrir skynjara og mælitæki sem þurfa að senda lítið gagnamagn yfir langar vegalengdir með lítilli orkunotkun. Rafhlöðuending LoRaWAN skynjara er oft á bilinu 8-12 ár, eftir útfærslum og mældum gildum.

Tæknin hentar vel þar sem erfitt, dýrt eða óhagkvæmt er að leggja strengi, setja upp WiFi eða treysta á farsímatengingu fyrir hvern nema.

LoRaWAN kerfi geta meðal annars nýst fyrir:

  • Vatns- og orkumælingar
  • Hitastig, rakastig og loftgæði
  • Lekavöktun og rekstrarviðvaranir
  • Talningu, stöðuvöktun og notkunarmælingar
  • Eftirlit með búnaði, rýmum og tæknikerfum

Kerfi og búnaður

Gaflarar geta aðstoðað við val, uppsetningu og tengingu á skynjurum og samskiptabúnaði fyrir fjölbreytt notkunarsvið.

Kerfi geta samanstaðið af:

  • LoRaWAN skynjurum
    Nemar fyrir hita, raka, loftgæði, leka, púlsa, rofa, stöðu og fleiri mæligildi.
  • Mælatengingum
    Tenging við vatnsmæla, orkumæla, púlsútganga og annan mælibúnað.
  • LoRaWAN sendistöðvum
    Gateway búnaður sem tekur við gögnum frá skynjurum og sendir áfram í gagnakerfi.
  • Mælaborðum og viðvörunum
    Yfirlit yfir mæligögn, stöðu tækja, sögu, frávik og rekstrarviðvaranir.
  • Tengingu við önnur kerfi
    Möguleg samþætting við hússtjórnarkerfi, rekstrarkerfi eða önnur gagnakerfi eftir þörfum.

Okkar þjónusta

  • Ráðgjöf og þarfagreining fyrir skynjaralausnir
  • Val á LoRaWAN búnaði og uppsetningu kerfa
  • Uppsetning sendistöðva, skynjara og mælitenginga
  • Tenging við mælaborð, gagnasöfnun og viðvaranir
  • Prófanir, gangsetning og rekstrarstuðningur
  • Samþætting við hússtjórnarkerfi og tæknikerfi þar sem við á

Notkunarsvið

  • Fjölbýlishús og húsfélög
  • Atvinnuhúsnæði og skrifstofur
  • Iðnaður og tæknirými
  • Skólar, stofnanir og þjónustubyggingar
  • Vatns-, hita- og orkumælingar
  • Rekstrarvöktun fasteigna og búnaðar

Traust og einföld yfirsýn

Með rétt hönnuðu skynjarakerfi er hægt að greina frávik fyrr, draga úr handvirku eftirliti og fá betri upplýsingar um rekstur fasteigna og tæknikerfa.

LoRaWAN hentar sérstaklega vel þegar markmiðið er að safna mæligögnum á einfaldan, hagkvæman og orkusparandi hátt án umfangsmikilla raflagna eða flókinna staðbundinna kerfa.

Demo mælaborð

Hér má sjá dæmi um mælaborð fyrir LoRaWAN skynjarakerfi. Mælaborðið getur sýnt stöðu tækja, mæligildi, sögu, viðvaranir og yfirsýn yfir rekstur.

Opna lifandi demo


LoRaWAN lausnir tengjast oft öðrum tæknikerfum bygginga og rekstrar, svo sem hússtjórnarkerfum, SCADA lausnum og reglubundnu viðhaldi.
Sjá einnig:
Hússtjórnarkerfi, BMS og KNX
Iðnstýringar, PLC og SCADA
Sjá nánar um rafræna þjónustubók