Rafræn þjónustubók fyrir tæki og kerfi

Með rafrænni þjónustubók frá Göflurum fær hvert tæki eða kerfi sína eigin þjónustusögu. QR-kóði á búnaðinum opnar síðu þar sem hægt er að skoða fyrri færslur, skrá athugasemdir, tilkynna bilanir og fylgja opnum málum eftir.

Lausnin hentar fyrir fyrirtæki, stofnanir, húsfélög, fasteignafélög og rekstraraðila sem vilja betri yfirsýn yfir búnað, viðhald og þjónustu.

Þjónustusagan fylgir búnaðinum.

Fá kynningu á þjónustubókinni

Betri yfirsýn yfir þjónustu og viðhald

Í mörgum rekstrarumhverfum dreifast upplýsingar um búnað á marga staði. Eitthvað er í tölvupósti, eitthvað í símtölum, eitthvað í verkbeiðnakerfi og eitthvað í minni einstakra starfsmanna.

Þegar bilun kemur upp getur verið óljóst hvað var gert síðast, hvort sama vandamál hafi komið upp áður eða hvort málið sé enn óleyst. Rafræn þjónustubók safnar þessum upplýsingum á einn stað og tengir þær beint við rétt tæki eða kerfi.

Hvernig virkar þjónustubókin?

  1. Búnaður er skráður í kerfið, til dæmis loftræsikerfi, dæla, stjórnskápur eða rafmagnstafla.
  2. QR-kóði er settur á viðkomandi tæki eða kerfi.
  3. Starfsmaður skannar kóðann með síma.
  4. Þjónustusaga búnaðarins opnast beint á staðnum.
  5. Hægt er að skrá nýja færslu, tilkynna bilun eða staðfesta að allt sé í lagi.
  6. Opin bilunarmál eru sýnileg þar til þau hafa verið leyst.

Helstu eiginleikar

  • QR-kóði fyrir hvert tæki eða kerfi
  • Þjónustusaga aðgengileg í síma eða tölvu
  • Skráning á athugasemdum, þjónustu og bilunum
  • Yfirlit yfir opin bilunarmál
  • Möguleiki á að loka málum þegar viðgerð eða skoðun hefur farið fram
  • Yfirlit eftir viðskiptavini, staðsetningu og búnaði
  • Engin sérstök app-uppsetning hjá notanda
  • Hentar bæði sem sjálfstæð lausn og sem hluti af þjónustusamningi

Fyrir hvaða búnað hentar lausnin?

Þjónustubókin hentar vel fyrir búnað þar sem mikilvægt er að halda utan um stöðu, sögu, bilanir og reglubundið viðhald.

  • Loftræsikerfi og hússtjórnarkerfi
  • Dælur, mótorar og rekstrarbúnaður
  • Rafmagnstöflur og stjórnskápar
  • Neyðar- og leiðarlýsing
  • Hurða- og aðgangskerfi
  • Iðnstýringar, PLC og SCADA kerfi
  • Tæknibúnaður í skólum, sundlaugum, húsfélögum og atvinnuhúsnæði

Ávinningur fyrir rekstraraðila

  • Betri yfirsýn yfir þjónustu og viðhald
  • Skýrari bilanasaga fyrir hvert tæki eða kerfi
  • Minni hætta á að upplýsingar tapist í tölvupóstum eða símtölum
  • Auðveldari samskipti milli rekstraraðila, húsvarða og þjónustuaðila
  • Hraðari bilanagreining þegar vandamál koma upp
  • Rekjanleiki á aðgerðum, athugasemdum og úrbótum

Sjálfstæð lausn eða hluti af þjónustusamningi

Rafræna þjónustubók frá Göflurum er hægt að nota sem sjálfstæða lausn fyrir rekstrarbúnað, óháð því hver sinnir daglegu viðhaldi.

Lausnin getur einnig verið hluti af þjónustusamningi við Gaflara, þar sem við sjáum um skráningu búnaðar, reglubundið eftirlit, bilanagreiningu, viðgerðir og eftirfylgni.

Þannig er hægt að byrja einfalt með QR-merkingu og þjónustusögu, en byggja síðar ofan á með skipulögðu viðhaldi og skýrari verkferlum.

Af hverju Gaflarar?

Gaflarar sameina reynslu af rafkerfum, viðhaldi, hússtjórnarkerfum, iðnstýringum og þjónustu við rekstraraðila. Við þekkjum búnaðinn sem verið er að skrá, ekki bara hugbúnaðinn utan um hann.

Þjónustubókin er því hönnuð út frá raunverulegri notkun í tæknirýmum, atvinnuhúsnæði, skólum, sundlaugum og öðrum rekstri þar sem hlutirnir þurfa einfaldlega að virka.

Kynntu þér rafræna þjónustubók

Viltu einfalda utanumhald um þjónustu, bilanir og viðhald á tækjum og kerfum?

Gaflarar geta sett upp rafræna þjónustubók fyrir þitt rekstrarumhverfi og aðstoðað við að meta hvaða búnað er skynsamlegt að merkja og skrá.

Hafa samband

Sjá einnig:
Raflagnir, viðhald og bilanagreining
Hússtjórnarkerfi, BMS og KNX
Iðnstýringar, PLC og SCADA